1) ابتدائی تھیراپی: ابتدائی تھیراپی جیسے کہ اسپیچ تھیراپی، فزیکل تھیراپی اور پیشہ ورانہ تھیراپی ڈاؤن سنڈروم کے شکار بچوں میں مہارتیں پیدا کرنے اور ان کی علمی ترقی میں مدد کر سکتی ہیں۔

2) جامع تعلیم: جب بھی ممکن ہو ان کا جامع تعلیمی سرگرمیوں میں اندراج کرائیں اور اگر ہوسکے تو انہیں مخصوص اسکول میں داخلہ کرائیں۔ اس سے نہ صرف ان کی مثبت ذہن سازی ہوگی بلکہ سماجی تعامل اور ہنر کی نشوونما ہوگی۔

3) صحت کی دیکھ بھال اور باقاعدہ چیک اپ: ایسے بچوں کی صحت اور اس سے متعلق کسی بھی طبی خدشات کو دور کرنے کیلئے بروقت اقدامات کو یقینی بنانے کے لیے طبی پیشہ ور افراد کے ساتھ باقاعدہ طبی معائنہ اور مشاورت ضروری ہے۔

4) منظم معمولات اور مستحکم روابط: ڈاؤن سنڈروم والے بچے اکثر واضح معمولات کے ساتھ منظم ماحول میں پروان چڑھتے ہیں۔ بہترین نظام الاوقات اور مستحکم روابط ان کی توقعات کو سمجھنے اور ان کے اضطراب کو کم کرنے میں مدد کر سکتے ہیں۔

5) صبر اور مثبت طرزعمل: اہلخانہ کی طرف سے مثبت طرزعمل، تعریف، صبر اور اچھے کاموں پر حوصلہ افزائی، ایسے بچوں میں بہترین رویے کو تقویت دیتی ہے اور ان میں مثبت طور پر متحرک رہنے کے جذبے کو ابھارتی ہے۔

سماجی ہنر کی تربیت: ایسے بچوں میں سماجی صلاحیتیں اور روابط پیدا کرنے کیلئے کام کریں، دوسرے لوگوں کے ساتھ پراعتماد تعلقات  استوار کرنے میں ان کی رہنمائی کریں۔

غذائیت اور ورزش: ڈاؤن سنڈروم بچوں کی غذائیت اور صحت پر دوسرے بچوں کے مقابلے میں زیادہ توجہ دینے کی ضرورت ہے۔ متوازن غذا اور باقاعدہ جسمانی سرگرمی مجموعی صحت اور تندرستی میں معاون ہے۔

سپورٹ گروپس اور وسائل: والدین کیلئے مقامی سپورٹ گروپس یا آن لائن کمیونٹیز کے ساتھ جڑنا، انتہائی مددگار ثابت ہوسکتا ہے۔ ایسے بچوں کی تربیت سے متعلق والدین کو بصیرت، موثر تجاویز اور جذباتی مدد فراہم ہوسکتی ہے۔

انفرادی نقطہ نظر: ڈاؤن سنڈروم میں مبتلا ہر بچہ منفرد ہوتا ہے، اس لیے ان کی سوچ، دلچسپیوں اور چیلنجز کے لیے اہلخانہ کا اپنا مستحکم نقطہ نظر اپنانا ضروری ہے۔

آزادی کو فروغ دیں: روزمرہ کے کاموں اور سرگرمیوں میں ان کو تھوڑی آزادی فراہم کریں تاکہ ان میں چھُپی صلاحیت اور خود اعتمادی کو فروغ ملے۔

ان کی کامیابیوں پر جشن منائیں: ان کی کامیابیوں کو تسلیم کریں اور اسے منائیں، چاہے وہ کتنی ہی چھوٹی کیوں نہ ہوں۔ آپ کا محض یہ چھوٹا سا اقدام ان کی خود اعتمادی اور حوصلہ افزائی کو 100 گنا تک بڑھا سکتا ہے۔

بہن بھائیوں کی شمولیت : ڈاؤن سنڈروم والے بچوں کی دیکھ بھال میں بہن بھائیوں کا کردار بھی اتنا ہی اہم ہوتا ہے جتنا والدین کا، اہلخانہ اپنے مابین تعلقات اور افہام و تفہیم کو فروغ دیں تاکہ ایسے بچوں کا اپنے گھر والوں پر مکمل اعتماد ہو اور ان میں احساس تحفظ پیدا ہو۔

تخلیقی طریقے: ڈاؤن سنڈروم والے بچوں میں ذہنی صلاحیتوں کو تیز کرنے کیلئے تخلیقی اور دل چسپ طریقے استعمال کریں جیسے کہ گیمز اور آرٹ سیکھنے کے عمل کو خوشگوار اور موثر بنائیں۔

عزت اور وقار : ایسے بچوں کے ساتھ اسی احترام اور وقار کے ساتھ پیش آئیں جیسا کہ آپ کسی دوسرے بچے کے ساتھ پیش آتے ہیں۔

مستقبل کی منصوبہ بندی: جیسے جیسے ڈاؤن سنڈروم والے بچے بڑے ہوتے ہیں، ان کی بلوغت کے لیے منصوبہ بندی کرنا ضروری ہے بشمول تعلیم و روزگار وغیرہ جو ان کی ذہنی سطح کے حساب سے ہو۔

مذاکرات کئی نازک مرحلوں سے گزر کر آخر کامیابی کی منزل تک پہنچ گئے۔تمام رکاوٹیں سر ہو چکی تھیں۔کانگریسی لیڈر خان عبدالصمداچکزئی اور ان کے ساتھی مایوس ہو چکے تھے اور صاف نظر آرہا تھا کہ شاہی جرگہ پاکستان کے حق میں فیصلہ دے دے گا،لیکن عین آخری مرحلے پر مخالفوں نے ایک پریشان کن چال چلی ،جس سے کھیل بگڑ جانے کا خطرہ تھا۔

سرداروں کو اس بات سے ڈرا دیا گیا کہ اگر پاکستان میں شامل ہو گئے تو مالی امداد جو اس وقت دہلی کی مرکزی حکومت سے مل رہی تھی،بند ہوجائے گی اور سر داری حقوق اور مراعات بھی ختم ہو جائیں گی۔اگر انڈیا میں رہے تو حسب سابق مالی امداد اور سر داری حقوق قائم رہیں گے۔

اس بات سے سردار بہت گھبرا گئے اور انھوں نے یہ مطالبہ کیا کہ قائداعظم اس بات کی گارنٹی دیں کہ پاکستان بن جانے کے بعد سرداروں کے تمام حقوق محفوظ رہیں گے اور مرکز کی طرف سے جو مالی امداد اب ملتی ہے،بد ستور جاری رہے گی۔

یہ بڑانازک مرحلہ تھا،کیوں کہ قائد اعظم دہلی میں تھے اور شاہی جر گے کے اجلاس میں صرف دو دن باقی تھے۔اتنی جلد ی قائد سے بات چیت کرنا بہت مشکل تھا۔آخر میں نے ایک ایکسپریس ٹیلی گرام کے ذریعے قائداعظم کو اطلاع دی کہ میں ٹیلی فون پر اگلے روز شام کے چاربجے ان سے ایک نہایت اہم بات کرنا چاہتاہوں۔

چنانچہ اسی وقت فون کے ذریعے دہلی سے رابطہ ہوا۔ کوئٹہ کے ٹیلی فون محکمہ کے مسلمان عملہ نے بہت مدد کی ۔قائداعظم فون پر آگئے اور آواز بالکل صاف تھی۔ایسے محسوس ہوا جیسے سامنے کھڑے ہیں۔
ہیلو کے فوراً بعد سلام عرض کی اور میں نے کہا:”قائداعظم !بلوچستان کے سردار پاکستان کے حق میں ووٹ ڈالنے پر رضا مند ہوگئے ہیں ،لیکن وہ چاہتے ہیں کہ آپ انھیں گارنٹی دیں کہ ان کے جملہ حقوق محفوظ رہیں گے اور مالی امداد انھیں حسب سابق ملتی رہے گی۔

قائد اعظم نے پر زور لہجے میں انگریزی میں جواب دیا
”میں کوئی گارنٹی نہیں دے سکتا۔ان سے کہہ دو کہ وہ مجھ پر بھروسا کریں اور دشمنوں کے جھانسے میں نہ آئیں۔“
پھر قائد اعظم نے مجھ سے پوچھا:”تم ان سے کیا کہو گے“
میں نے قائد اعظم کے الفاظ دہرائے اور ابھی آخری لفظ میرے ہونٹوں پر تھا کہ نواب جو گزئی نے میرے ہاتھ سے ٹیلی فون لے لیا اور قائد اعظم سے مخاطب ہو کر کئی بار قائداعظم ،قائداعظم پکارا اور ٹیلی فون رکھ دیا۔

شاہی جر گے کے سردار اُس وقت سامنے بیٹھے تھے۔نواب جو گزئی نے اُس سے مخاطب ہو کر کہا:”میری بات ہوگئی ہے۔قائد نے کہا ہے فکر مت کرو۔“
پھر مجھ سے سرداروں نے دریافت کیا تو میں نے بھی یہی کہا کہ قائد کہتے ہیں”مجھ پر بھروسا کرو۔

دشمنوں کے جھانسے میں نہ آنا۔مجھ پر اعتبار کرو۔“
اس کے بعد کوئٹہ کے اخبارات نے شام کے ضمیمے شائع کر دیے اور قائد اعظم سے ٹیلی فون پر بات چیت کی خبر چاروں طرف مشتہر کردی۔دوسرے دن شاہی جر گے نے اتفاق رائے سے پاکستان میں شمولیت کا اعلان کر دیا۔

قائداعظم کی اس بات پر مجھے سخت حیرت ہوئی تھی کہ اتنے نازک موقع پر بھی ڈپلومیسی سے کام نہ لیا اور دوٹوک جواب دے دیا۔جس میں کسی قسم کا رکھ رکھاؤ نہ تھا۔حالانکہ قائد کو اس بات کا علم تھاکہ کانگریسی ایجنٹ سرداروں کو اس قسم کی گارنٹی اور وعدے دے کر پھسلانے کی کوشش کررہے تھے ۔

وقت کا تقاضا بھی یہی تھاکہ قائد اعظم بھی کوئی سبزباغ دکھا کر وقتی فائدہ حاصل کرنے کی کوشش کرتے ،لیکن انھوں نے بلا خطر صاف بات کہہ دی اورکسی قسم کی سودے بازی سے انکار کر دیا۔ یہ تھا اُن کا بے نظیر کردار۔ایسے نازک وقت میں جب کہ مملکت کی بقا کا مسئلہ سامنے ہو اور صاف گوئی سے سخت نقصان کا احتمال ہوتو کون یہ جرأت کر سکتا ہے کہ سچ کا دامن تھامے رکھے۔

دونوں بھائی شہر روانہ ہو گئے۔شہر بہت دور تھا۔راستے میں رات ہو گئی۔

امیروف کے ایک دوست کا گھر قریب تھا۔وہ دونوں اس دوست کے گھر ٹھہر گئے۔امیروف اور اس کا دوست گھر کے اندر آرام کرنے لگے۔سلیموف کو گھر کے اندر جگہ نہ ملی تو وہ چھجے پر لیٹ گیا۔سلیموف کی آنکھ لگ گئی ۔سوتے میں اس نے کروٹ لی تو وہ نیچے گر گیا۔
نیچے دوست کا بچہ بیٹھا تھا۔وہ دب کر مر گیا۔دوست بہت غصے ہوا۔اس نے کہا،”میں بھی مقدمہ کروں گا۔“
اب تینوں شہر کو چل پڑے۔راستے میں پل آیا۔سلیموف نے دو دو مقدموں میں سزا کے ڈر سے پل پر سے چھلانگ لگا دی۔نیچے ایک نوجوان اپنے بوڑھے بیمار باپ کو لے کر جا رہا تھا۔
سلیموف بوڑھے پر جاپڑا۔بڈھا مر گیا۔نوجوان بھی مقدمہ کرنے کے لئے ان کے ساتھ ہو گیا۔
چلتے چلتے شہر آگیا تو وہ کچہری پہنچے۔جج آیا اور کچہری لگی۔سلیموف نے راستے سے ایک پتھر اٹھا کر رومال میں لپیٹ لیا تھا۔امیروف نے اپنا دعوہ پیش کیا۔
سلیموف نے ڈرانے کے لئے رومال میں بندھا پتھر جج کو دکھایا۔جج سمجھا کہ رومال میں رشوت کا سونا ہے۔اس نے خوش ہو کر سلیموف کے حق میں فیصلہ دے دیا اور کہا کہ جب تک گھوڑے کی دم نہ نکل آئے گھوڑا سلیموف کے پاس رہے گا۔اب دوسرا مقدمہ پیش ہوا۔
امیروف کے دوست نے کہا کہ سلیموف نے میرے بچے کو کچل کر مار دیا۔سلیموف نے پھر رومال دکھایا اور جج پھر دھوکہ کھا گیا۔ اس نے فیصلہ دیا کہ جب تک سلیموف امروف کے دوست کو بچہ نہ لا کر دے،امیروف کا دوست سلیموف کو اپنے گھر رکھے اور کہیں جانے نہ دے۔
دوست نے سوچا ایک تو میرا بچہ امر دوسرے میں سلیموف کو اپنے گھر رکھوں اور کھلاؤں پلاؤں۔اس کا کیا بھروسہ یہ دوسرے بچے کو بھی مار دے۔
تیسرا مقدمہ کچہری میں پیش ہوا کہ سلیموف نے پل سے کود کر بوڑھے کو مارا ہے۔سلیموف کا رومال دیکھ کر جج پھر لالچ میں آگیا۔
اس نے سوچا تیسری سونے کی ڈالی بھی مجھے دینے کا اشارہ کر رہا ہے۔اس نے فیصلہ دیا کہ بوڑھے کا نوجوان بیٹا اور سلیموف اس جگہ جائیں۔ نوجوان پل پر جائے اور سلیموف پل کے نیچے کھڑا ہو جائے۔نوجوان سلیموف پر کودے اور اس کی جان لے لے۔
کچہری ختم ہوئی۔ چاروں باہر آئے۔امیروف نے پریشان ہو کر کہا کہ میں دم نکلنے کا انتظار نہیں کر سکتا۔مجھے گھوڑے کی ضرورت ہے۔تم مجھے میرا گھوڑا اسی حالت میں دے دو۔سلیموف نے کہا کہ نہیں ٹھہرو اور اس وقت کا انتظار کرو جب گھوڑے کی دم نکل آئے۔
امیروف بہت پریشان ہوا۔اس نے سلیموف کی منت سماجت کرکے اور پانچ روبل (روسی سکہ)،سترہ بوری اناج اور ایک بکری دے کر اپنا گھوڑا واپس حاصل کیا۔
اب سلیموف نے امیروف کے دوست سے کہا کہ بھوک لگ رہی ہے ،کھانا کھلاؤ۔دوست گھبرایا۔
اس نے کہا کہ بھائی،میں تمہارا بوجھ برداشت نہیں کر سکتا۔سلیموف نے کہا کہ جج نے یہی فیصلہ دیا ہے ۔جب تک میں تمہیں بچہ لا کر نہ دوں تمہارے ساتھ رہوں گا۔امیروف کے دوست نے پچاس روبل،تئیس بوری اناج اور ایک دودھ دینے والی گائے دے کر سلیموف سے اپنی جان چھرائی۔
آخر سلیموف نوجوان کے پاس گیا اور کہا کہ آؤ پل پر چلو اور وہاں سے چھلانگ لگاؤ۔نوجوان نے سوچا کہ اگر میں اتنی اوپر سے کودا تو خود ہی مر جاؤں گا۔اس نے بھی سلیموف کو دو سو روبل،انتیس بوری اناج اور ایک بیل دے کر راضی کر لیا۔
جج نے اپنا آدمی سلیموف کے پاس بھیجا کہ سونے کی تین ڈلیاں دے دو۔
سلیموف نے رومال میں سے پتھر نکال کر دکھایا اور کہا کہ میں غریب آدمی ہوں،میرے پاس سونا کہاں،میں نے تو جج کو رومال اس لئے دکھایا تھا کہ اگر تم نے میرے خلاف فیصلہ دیا تو میں تمہیں اس پتھر سے ماروں گا۔جب اس آدمی نے جج کو جا کر یہ بات بتائی تو جج نے سکون کا سانس لیا کہ میں بچ گیا،ورنہ سلیموف مجھے مار ڈالتا۔ سلیموف خوش خوش گھر واپس آگیا۔

استاد محترم کے پاس بیٹھے کچھ سمجھنے کی کوشش میں مصروف تھے کہ ایک صاحب تشریف لائے اور نہایت اعتماد سے ان موضوعات پر گفتگو شروع کر دیب جو ان کی ذہنی استعداد سے بڑھ کر تھی. استاد محترم نہایت توجہ اور انہماک سے گفت گو سنتے رہے. ساتھ ساتھ اثبات میں سر بھی ہلاتے جاتے. وہ صاحب گھنٹا بھر گفت گو فرمانے کے بعد فاتحانہ مسکراہٹ لیے رخصت ہوئے. جانے کے بعد استاد محترم نے فرمایا کہ ” لہجے کو ایسا اعتماد اور تیقن جہالت ہی بخش سکتی ہے” اور یہ سو فیصد سچی بات ہے. نہیں یقین تو افسر شاہی کے کسی کارندے سے مل کر دیکھ لیں. ہم تو جب بھی اعتماد سے معمور افسر شاہی کے کسی رکن سے ملتے ہیں تو ہمیں اپنے استاد محترم کا یہ جملہ بہت یاد آتا ہے. ان کی شخصیت میں جو غیر معمولی اعتماد ہوتا ہے اس کی وجہ جہالت ہی ہو سکتی ہے . بی اے کرنے کے بعد ایک امتحان پاس کرلو اور بیک وقت، انتظامی و مالیاتی امور کے ماہر، ماہر قانون، ماہر تعلیم، ماہر خارجہ امور، ماہر اقتصادیات، ماہر زراعت ، ماہر طب اور نہ جانے کس کس شعبے کے ماہر بن جاؤ. سپیشلائزیشن کے اس عہد میں چشم فلک نے ایسے ہر فن مولا لوگ کہاں دیکھے ہوں گے . دروغ بر گردن راوی کہ نوبل انعام ملنے کے بعد ڈاکٹر عبدالسلام کے اعزاز میں قائد اعظم یونیورسٹی نے ایک تقریب منعقد کی جس میں ڈاکٹر صاحب کو اعزازی ڈگری سے نوازا گیا. تقریب کے مہمان خصوصی اس وقت کے صدر پاکستان جناب ضیاء الحق تھے. ان کی وجہ سے بہت سے افسروں کو بھی معہ اہل وعیال اس تقریب میں شرکت کرنا پڑی. ایک افسر کی بیوی نے قدرے مرعوبیت سے دوسرے افسر کی بیوی سے کہا کہ “لگتا ہے ڈاکٹر صاحب بہت قابل انسان ہیں” . نہایت نخوت سے جواب دیا گیا کہ ” اگر قابل ہوتے تو سی ایس ایس نہ کرلیتے” عبدالسلام کی تو اوقات کیا ان نابغوں کے نزدیک تو علامہ اقبال اور محمد علی جوہر جیسے لوگ بھی ناکام قرار پاتے ہیں کہ یہ بھی مقابلے کا امتحان پاس نہ کرسکے
جیسا عرض کیا کہ یہ لوگ ہر فن مولا قسم کے ہوتے ہیں. ہر شعبے کی سطحی قسم کی معلومات رکھتے ہیں. زمینی حقائق سے مکمل طور پر نابلد ہوتے ہیں اور جاہلانہ اعتماد کی بنیاد سے پھوٹنے والی انا اس بات کی اجازت بھی نہیں دیتی کہ کسی ماہر سے مشورہ کرلیں. ان کے مشیر عام طور پر فن خوشامد میں طاق ماتحت ہوتے ہیں اور وہی مشورہ دیتے ہیں جو صاحب کی مرضی و منشا کے مطابق ہو. زمینی حقائق سے ناواقف ہونے کے باعث اکثر ایسی ناقص پالیسیاں بناتے ہیں کہ جن کے اثرات بہت تکلیف دہ ہوتے ہیں . اس فرقے کو سیاست دان سخت ناپسند ہیں کہ ان کا تعلق براہ راست عوام سے ہوتا ہے. سیاست دان اپنی تمام تر رعونت کے باوجود عوام کے سامنے جواب دہ ہوتے ہیں.یہ بھلے اداکاری ہی کریں مگر خود کو عوام کا ہم درد ثابت کرنا پڑتا ہے ورنہ ووٹ کیوں ملنے لگے. قدرت اللہ شہاب جیسے ولی اللہ جب اپنی آپ بیتی تحریر کرتے ہیں تو بھلے وہ اس میں جمہوریت کے فضائل بیان کریں مگر ہم دردی غیر جمہوری قوتوں کے ساتھ محسوس کی جاسکتی ہے. غلام محمد، سکندر مرزا اور ایوب خان کی خامیاں بیان کرتے ہیں مگر ان کا رویہ ان کے بارے مجموعی طور ہم دردانہ ہے. تاہم حسین شہید سہروردی کے بارے میں ان کے قلم سے کوئی کلمہ خیر نہیں نکلا کیوں کہ وہ بہرحال جمہوریت پسند تھےاور افسر شاہی کو وہ اہمیت دینے کو تیار نہیں تھے جس کی یہ عادی ہے. ذوالفقار علی بھٹو کے جرائم میں سے ایک جرم یہ بھی تھا کہ وہ بھی افسر شاہی کو اس کی اوقات میں رکھتے تھے. شہاب صاحب نے بھٹو کا ذکر بھی اچھے لفظوں میں نہیں کیا.
سب اس بات کے حامی ہیں کہ ملک میں جمہوریت کا بول بالا ہو. فوجی حکومت ناپسندیدہ چیز ہے. مگر کیا فوج تنہا حکومت کر سکتی ہے؟؟؟ جواب ہوگا بالکل نہیں. یہ افسر شاہی ہی ہے جو فوج کا ایوان اقتدار کا راستہ دکھاتی ہے. پٹواری سے لے کر چیف سیکرٹری تک ایک نہایت منظم اور مربوط نظام موجود ہے. صرف وزیراعظم کو بے دخل کرنا ہے ، افسر شاہی کی شکل میں حکومت کے لیے بنا بنایا نظام حاضر . اگر ملک میں دساور کی طرح بااختیار بلدیاتی ادارے موجود ہوں تو شاید مارشل لا لگانا اتنا آسان کام نہ ہو. . یہی وجہ ہے کہ وطن عزیز میں بلدیاتی اداروں کی روایت نہیں پنپ رہی. یہاں اس بات کا ذکر بے محل نہ ہوگا کہ ایوان اقتدار میں فوج سے پہلے افسر شاہی کے کل پرزے داخل ہوئے تھے. غلام محمد، چودھری محمد علی، محمد علی بوگرہ اور سکندر مرزا جیسے بیوروکریٹ ایوب خان سے پہلے اقتدار کے مزے لوٹ چکے تھے. اور بعد میں غلام اسحاق خان بھی ہر برحکومت کی مجبوری بنے رہے اور بعد ازاں چئیرمین سینٹ کے راستے ایوان صدر تک پہنچ گئے.
تاہم یہ تسلیم کرنا پڑے گا کہ اپنی تمام تر جہالت اور سطحی پن کے باوجود یہ ادارہ اپنے مفادات کے تحفظ کے لیے نہایت چوکنا ہے. کہا جاسکتا ہے کہ وطن عزیز کی سیاسی، سماجی اور معاشی صورت حال مثالی نہیں ہے. اس کا سبب یا تو فوج کو سمجھا جاتا ہے یا سیاست دانوں کو. کوئی یہ نہیں کہتا کہ تباہی و بربادی کی وجہ افسر شاہی ہے. یہ ادارہ اپنے اقتدار کے لیے اتنا سمجھ دار ہے کہ دونوں طرح کی حکومتوں ( عوامی اور فوجی) میں شامل رہنے کے باوجود عوامی نفرت کا رخ اپنی طرف نہیں ہونے دیتا . پاکستان کی کوئی حکومت ان کی مرضی کے بغیر نہیں چل سکتی. کسی بھی حکومت کو ناکام بنانا ان کے لیے بائیں ہاتھ کا کھیل ہے. ایک ذرا سا جملہ حکومت کے تمام عوامی فلاح وبہبود کے منصوبے تباہ کرسکتا ہے کہ ” قانون اجازت نہیں دیتا” نہ جانے عوامی فلاح کے کتنے منصوبے ان کے سرخ فیتوں اور قانونی موشگافیوں کی نذر ہوگئے. کتنے بڑے بڑے ماہرین فن کی تجاویز افسران کی نخوت کی بھینٹ چڑھ گئیں مگر مجال ہے کہ کوئی انھیں مجرم گردانے. یہ پوتر کے پوتر. حالانکہ صرف مالی بدعنوانی کی بات ہی کی جائے تو یہاں ایسے پٹواری مل جائیں گے کہ جن کی کرپشن بڑے بڑے بدنام سیاست دانوں سے زیادہ ہوگی. سقوط بنگال کی وجوہات تلاش کی جائیں تو سیاست دانوں اور فوج سے زیادہ افسر شاہی اس کی مجرم نظر آتی ہے مگر انھیں کوئی کچھ نہیں کہے گا. یقین نہ آئے تو ولی اللہ بیوروکریٹ کی شہاب نامہ پھر سے پڑھ لیں.
جب تک افسر شاہی کا ادارہ موجود ہے ہم کبھی بھی خود کو آزاد تصور نہیں کرسکتے. برصغیر میں یہ ادارہ انگریز نے اپنے اقتدار کو دوام بخشنے کے لیے تخلیق کیا تھا. اس ادارے کے ذمے ایک طرف عوام کے دلوں پر تاج برطانیہ کی ہیبت طاری کرنا تھی تو دوسری طرف عوام الناس سے ٹیکس وصول کرنا تھا. اسی لیے ڈپٹی کمشنر کو ڈپٹی کلیکٹر بھی کہا جاتا تھا. یعنی یہ ادارہ عوامی خدمت کے لیے نہیں بلکہ عوام کو زیرنگیں رکھنے، ان میں احساس غلامی پیدا کرنے اور اس احساس کو بیدار رکھنے کے لیے بنایا گیا تھا.

انیس سو سینتالیس کے بعد انگریز تو یہاں سے تشریف لے گئے مگر اپنی تربیت یافتہ افسر شاہی یہیں چھوڑ گئے کہ جس کے لچھن آج بھی وہی ہیں جو استعماری دور میں تھے. وہی ہٹو بچو کی آوازیں، وہی سول لائنز،وہی غیر معمولی مراعات، وہی صاحب کے دفتر کے سامنے سائلین کی قطاریں اور وہی انسانیت کی تذلیل. آج بھی اس ادارے کی ذمہ داری عوام پر حکومت کا رعب قائم رکھنا اور مال جمع کرکے صوبائی اور مرکزی دارالحکومت کو بھیجنا ہے. کوئی بھی افسر عوام کو جواب دہ نہیں. اگر وہ پنجاب کے کسی ضلعے کا بڑا افسر ہے تو اس کا مقصد لاہور کو خوش رکھنا ہے. لاہور خوش ہے تو وہ سکون میں چاہے اس کے بدلے عوام کو کتنی ہی اذیت کیوں نہ اٹھانی پڑے. عوامی جواب دہی نہ ہونے کی وجہ سے یہ خود کو حاکم سمجھتے ہیں اور ہم آزاد ہونے کے باوجود خود کو محکوم سمجھنے پر مجبور . عام طور پر شکوہ کیا جاتا ہے کہ پاکستانی نوجوان تعلیم تو پاکستان میں حاصل کرتا ہے مگر جب خدمت کا موقع آتا ہے تو وطن سے باہر جا کر بیٹھ جاتا ہے یہ بات درست ہے مگر ہم نے کبھی سوچا کہ ایسا کیوں ہوتا ہے . پاکستان کا نوجوان تعلیم حاصل کرنے کے بعد ملک سے باہر فوج یا سیاست دانوں کی وجہ سے نہیں جاتا بلکہ یہ افسر شاہی اسے وطن چھوڑنے پر مجبور کرتی ہے. جب اعلا ڈگری حاصل کرنے کے بعد وہ بلند آدرشوں کے ساتھ میدان عمل میں اترتا ہے تو اس کا جگہ جگہ واسطہ اپنے سے کم تعلیم یافتہ بیوروکریسی سے پڑتا ہے. احساس کمتری کی ماری بیورو کریسی اسے اس قدر زچ کرتی ہے کہ اسے دوسرا وطن ہی جائے پناہ نظر آتا ہے. ورنہ اگر عزت سے روٹی ملے تو اپنا وطن چھوڑ کر کون جاتا ہے.
پاکستان اگر آزادی چاہتا ہے تو اس کے لیے ضروری ہے کہ افسر شاہی کے منہ زور گھوڑے کو لگام ڈالی جائے . اس ادارے کو کلی طور پر عوامی نمائندوں کے ماتحت کیا جائے. اس کے لیے پہلا ضروری کام تو یہ ہے کہ ان کی ملازمت کو جو غیر معمولی تحفظ حاصل ہے وہ ختم کیا جائے ان کی تقرری کنٹریکٹ پر ہو. طاقت ور بلدیاتی ادارے قائم کرکے تمام انتظامی امور انھیں سونپ دیے جائیں . چیف سیکرٹری سے لے کر پٹواری تک کی لمبی زنجیر کو توڑ کر چھوٹا کیا جائے. . مگر ایسا کرنا بہت مشکل ہے اگر کسی سیاسی راہنما نے ایسی جسارت کی تو اسے اس کی سزا بھگتنا پڑے گی. ان کے لیے کوئی مشکل نہیں کہ یہ خاموشی سے ایسے حالات پیدا کر دیں کہ فوج مداخلت پر مجبور ہو جائے. اس کے بعد عوامی نمائندے اقتدار سے بے دخل ہوکر قید و بند کی سختیوں کے ساتھ ساتھ اقتدار کے کھیل میں تماشائی کی حیثیت سے فوج کی سرپرستی میں افسر شاہی کو شاہی کرتا دیکھتے رہیں گے .
ڈاکٹر طارق کلیم

(Reko Diq)

معاہدہ منسوخ کرنے پر پاکستان کی تاریخ کا تقریباً 6ارب ڈالر کا سب سے بڑا جرمانہ عائد کیا ہے جس پر پاکستان میں حسب روایت ایک کمیشن بنادیا گیا ہے کہ وہ ذمہ داروں کا تعین کرنے کیساتھ ساتھ اس معاملے کی تحقیقات کرے کہ ملک کو کس وجہ سے اتنا بڑا نقصان ہوا؟ بین الاقوامی عدالت ICSIDسے پاکستان پر جرمانے کا یہ پہلا واقعہ نہیں بلکہ اس سے قبل 22اگست 2017ء کو ترکی کی ایک پاور کمپنی سے سے رینٹل پاور معاہدہ منسوخ کرنے پر پاکستان پر تقریباً 900ملین ڈالر کا جرمانہ عائد کیا

جبکہ اس سے پہلے 1997ء میں ترکی کی ایک تعمیراتی کمپنی نے اسلام آباد پشاور موٹر وے معاہدہ منسوخ کرنے پر 756ملین ڈالر کا کلیم دائر کیا تھا لیکن ICSIDنے تکنیکی بنیادوں پر اسے مسترد کردیا۔ حال ہی میں لندن کی آربرٹیشن کورٹ نے برطانیہ کی اثاثے ریکوری کرنیوالی کمپنی جس سے جنرل پرویز مشرف کے دور میں پاکستانی سیاستدانوں کے بیرون ملک غیر قانونی اثاثے دریافت کرنے کیلئے نیب نے معاہدہ کیا تھا، کو یکطرفہ طور پر منسوخ کرنے پر پاکستان پر 33ملین ڈالر کا جرمانہ عائد کیا گیا۔ ان میں سے زیادہ تر معاہدوں کے منسوخ ہونے سے ملک کو نہ صرف ناقابل برداشت مالی نقصان پہنچا بلکہ عالمی سطح پر پاکستان کی ساکھ شدید متاثر ہوئی جس سے پاکستان میں نئی سرمایہ کاری کی حوصلہ شکنی ہوئی۔

قارئین! ریکوڈک کیس میں حکومت پاکستان پر عائد کئے جانے والے سب سے بڑے جرمانے کے پس منظر سے معلوم ہوتا ہے کہ دنیا میں سونے اور تانبے کی آسٹریلوی کان کن کمپنی نے اپنی فزیبلٹی رپورٹ میں بتایا تھا کہ ریکوڈک میں تانبے کے 22ارب پائونڈ اور 13ملین اونس سونے کے ذخائر پائے جاتے ہیں جن کی مجموعی مالیت 500ارب ڈالر ہے۔ کمپنی کے مطابق یہ منصوبہ پاکستان اور بلوچستان کی ترقی میں اہم کردار ادا کر سکتا ہے۔ مذکورہ کمپنی نے سونے اور تانبے کی کان کنی کے اس منصوبے کیلئے 3.3ارب ڈالر خرچ کرنے کا اعلان کیا تھا جس میں ایئر پورٹ، سڑکیں، رہائشی مکانات اور معدنیات کی منتقلی اور گوادر تک معدنیات کی بین الاقوامی مارکیٹ تک رسائی کیلئے 682کلومیٹر طویل ٹرانسپورٹیشن پائپ لائن کی تعمیر بھی شامل تھیں۔ معاہدے کے مطابق کمپنی آمدنی کا 25فیصد بلوچستان حکومت کو بغیر کسی سرمایہ کاری کے دینے کی پابند تھی کیونکہ معدنیات صوبوں کی ملکیت ہوتی ہیں مگر اگلے 10برسوں میں اس منصوبے کی ملکیت بدلتی چلی گئی۔ نواز شریف کے پہلے دور حکومت کے بعد نگراں حکومت نے مینڈیٹ نہ ہونے کے باوجود ریکوڈک میں سونے اور تانبے کے ذخائر کی تلاش کا ٹھیکہ آسٹریلوی کی ایک کان کن کمپنی کو دے دیا تاہم 2000ء میں بی ایچ پی نے ایک اور فرم کو اس منصوبے میں شامل کرلیا جس کے بعد اس منصوبے کو آسٹریلوی کمپنی جو پاکستان میں بھی رجسٹرڈ کروائی گئی تھی، کو منتقل کردیا گیا۔ 2009ء میں کمپنی نے ایک نئی فزیبلٹی اسٹڈی رپورٹ جمع کروائی اور فروری 2011ء میں کان کنی کی درخواست دی جس کے بعد اس منصوبے میں کرپشن کی کہانیوں اور معدنی ذخائر کی لوٹ مار کے اسکینڈلز سامنے آنے لگے۔ بعد ازاں اس وقت کے وزیراعلیٰ بلوچستان اسلم رئیسانی اور پی ٹی آئی کے سینیٹر اعظم سواتی نے منصوبے کو منسوخ کرنے کیلئے درخواست دائر کی۔ مئی 2011ء میں سپریم کورٹ نے صوبائی حکومت کو حکم دیا کہ ٹی ٹی سی پاکستان کی جانب سے دی گئی کان کنی کی درخواست پر منصفانہ اور شفاف کارروائی کی جائے۔ اس طرح عدالتی مداخلت کے بعد صوبائی حکومت نے ٹی ٹی سی پاکستان کا لائسنس منسوخ کردیا جس کے بعد سونے اور تانبے کی تلاش کیلئے دوسری کمپنیوں کو 11لائسنس جاری کئے گئے۔ دلچسپ بات یہ ہے کہ ان 11لائسنسوں میں سے 5لائسنس ایسی پاکستانی اور چینی کمپنیوں کو دیئے گئے جنہیں اس سے پہلے سونے اور تانبے کی کان کنی کا کوئی تجربہ نہیں تھا۔ پاکستان کے سونے اور تانبے کے پہلے منصوبے سینڈک کو پاکستان سینڈک میٹل اور چائنا انجینئرنگ کمپنی کے تعاون سے شروع کیا گیا تھا لیکن مالی مشکلات کے پیش نظر چائنا کی ایک اور کمپنی کو 2002ء میں 10سال کیلئے بغیر کسی مانیٹرنگ نظام کے لیز پر دے دیا گیا۔ اس کمپنی نے 2004ء سے 2008ء تک 7.746ٹن سونا نکال کر پاکستان کو سونا پیدا کرنے والے ممالک میں شامل کردیا۔ اس کے علاوہ اس منصوبے کے تحت 86013ٹن تانبا، 11046ٹن چاندی، 14482ٹن میگنائٹ کی معدنی دولت بھی حاصل کی گئی۔ ایک سروے کے مطابق چائنیز کمپنی کی لیز ختم ہونے کے بعد اس کان سے صرف 9سال تک مزید معدنیات حاصل کی جاسکتی تھیں۔

میں خاص طور پر یہ بات کہنا چاہوں گا کہ ہمیں شاید ان حساس نوعیت کے معاہدوں کی بین الاقوامی اہمیت اور انہیں یکطرفہ طور پر منسوخ کرنے کے مالی نقصانات کا اندازہ نہیں تھا۔ عالمی عدالتیں ان جرمانوں پر عملدرآمد کی صورت میں پاکستان کے بیرونی اثاثوں کی ضبطی کا حکم بھی دے سکتی ہیں جو پاکستان کی ہتک کا باعث ہوگا۔ پی ٹی آئی حکومت نے قطر سے ایل این جی گیس امپورٹ کرنے کے معاہدے کی شفافیت پر سوالیہ نشان اٹھایا ہے اور اس سلسلے میں نیب سابق وزیراعظم سے تحقیقات بھی کررہی ہے۔ پاکستان میں بجلی پیدا کرنے والی نجی کمپنیوں آئی پی پیز (IPPs)کو حکومت پاکستان کی گارنٹیاں حاصل ہیں جس کی بنیاد پر یہ کمپنیاں عالمی عدالتوں میں جانے کی مجاز ہیں۔ حکومت کو چاہئے کہ تمام سرکاری محکموں کو بڑے معاہدے کرنے کیلئے پروفیشنل اور قانونی مہارت فراہم کی جائے تاکہ معاہدے کرتے وقت شفافیت کے ساتھ تمام قانونی شقوں کو مدنظر رکھا جاسکے اور تنازع کی صورت میں ملک کا دفاع کرتے ہوئے خطیر جرمانوں سے بچا جا سکے۔

’’چوہدری لوہا ہے لوہا۔ فولاد کی کونڈی ٹوٹ جائے پر گاما سائیں کی یہ کونڈی دادا لے تو اس کا پوتا بھی اسی میں بھنگ گھوٹ کرپِیے۔ ‘‘

مرنے سے پہلے گاما سائیں چھ کونڈیاں بنا کررکھ گیا تھا جو اب مائی جیواں بڑی احتیاط سے کام میں لاتی تھی۔ گاؤں کے اکثر بڈھے اور جوان تکیئے میں جمع ہوتے تھے اور سردائی پیا کرتے تھے۔ گھوٹنے کے لیے گاما سائیں نہیں تھا پر اُس کے بہت سے چیلے چانٹے جو اَب سر اور بھویں منڈا کر سائیں بن گئے تھے، اس کے بجائے بھنگ گھوٹا کرتے تھے اور مائی جیواں کی سُلگائی ہُوئی آگ سُلفہ پینے والوں کے کام آتی تھی۔ صبح اور شام کو تو خیر کافی رونق رہتی تھی، مگر دوپہر کو آٹھ دس آدمی مائی جیواں کے پاس بیری کی چھاؤں میں بیٹھے ہی رہتے تھے۔ اِدھر اُدھر کونے میں لمبی لمبی بیل کے ساتھ ساتھ کئی کابک تھے جن میں گاما سائیں کے ایک بہت پرانے دوست ابو پہلوان نے سفید کبوتر پال رکھے تھے۔ تکیئے کی دھوئیں بھری فضا میں ان سفید اور چتکبرے کبوتروں کی پھڑپھڑاہٹ بہت بھلی معلوم ہوتی تھی۔ جس طرح تکیئے میں آنے والے لوگ شکل وصورت سے معصومانہ حد تک بے عقل نظر آتے تھے اسی طرح یہ کبوتر جن میں سے اکثر کے پیروں میں مائی جیواں کے بڑے لڑکے نے جھانجھ پہنا رکھے تھے بے عقل اور معصوم دکھائی دیتے تھے۔ مائی جیواں کے بڑے لڑکے کا اصلی نام عبدالغفار تھا۔ اسکی پیدائش کے وقت یہ نام شہر کے تھانیدار کا تھا جو کبھی کبھی گھوڑی پر چڑھ کر موقعہ دیکھنے کے لیے گاؤں میں آیا کرتا تھا اور گاما سائیں کے ہاتھ کا بنا ہوا ایک پیالہ سردائی کا ضرور پیا کرتا تھا۔ لیکن اب وہ بات نہ رہی تھی۔ جب وہ گیارہ برس کا تھا تو مائی جیواں اس کے نام میں تھانیداری کی بُو سُونگھ سکتی تھی مگر جب اس نے بارہویں سال میں قدم رکھا تو اس کی حالت ہی بگڑ گئی۔ خاصا تگڑا جوان تھا پر نہ جانے کیا ہوا کہ بس ایک دو برس میں ہی سچ مچ کا سائیں بن گیا۔ یعنی ناک سے رینٹھ بہنے لگا اور چپ چپ رہنے لگا۔ سر پہلے ہی چھوٹا تھا پر اب کچھ اور بھی چھوٹا ہو گیا اور منہ سے ہر وقت لعاب سا نکلنے لگا۔ پہلے پہل ماں کو اپنے بچے کی اس تبدیلی پر بہت صدمہ ہوا مگر جب اس نے دیکھا کہ اس کی ناک سے رینٹھ اور منہ سے لعاب بہتے ہی گاؤں کے لوگوں نے اس سے غیب کی باتیں پوچھنا شروع کردی ہیں اور اس کی ہر جگہ خوب آؤ بھگت کی جاتی ہے تو اسے ڈھارس ہُوئی کہ چلو یوں بھی تو کما ہی لے گا۔ کمانا ومانا کیا تھا۔ عبدالغفار جس کو اب کبوتروں والا سائیں کہتے تھے، گاؤں میں پھرپھرا کر آٹا چاول اکٹھا کرلیا کرتا تھا، وہ کبھی اس لیے کہ اس کی ماں نے اس کے گلے میں ایک جھولی لٹکا دی تھی، جس میں لوگ کچھ نہ کچھ ڈال دیا کرتے تھے۔ کبوتروں والا سائیں اسے اس لیے کہا جاتا تھا کہ اسے کبوتروں سے بہت پیار تھا۔ تکیئے میں جتنے کبوتر تھے ان کی دیکھ بھال ابو پہلوان سے زیادہ یہی کیا کرتا تھا۔ اس وقت وہ سامنے کوٹھڑی میں ایک ٹُوٹی ہُوئی کھاٹ پر اپنے باپ کا میلا کچیلا لحاف اوڑھے سورہا تھا۔ باہر اس کی ماں آگ سُلگا رہی تھی۔ چونکہ سردیاں اپنے جوبن پر تھیں اس لیے گاؤں ابھی تک رات اور صبح کے دھوئیں میں لپٹا ہوا تھا۔ یوں تو گاؤں میں سب لوگ بیدار تھے اور اپنے کام دھندوں میں مصروف تھے مگر تکیہ جو کہ گاؤں سے فاصلہ پر تھا ابھی تک آباد نہ ہوا تھا، البتہ دُور کونے میں مائی جیواں کی بکری زور زور سے ممیا رہی تھی۔ مائی جیواں آگ سُلگا کر بکری کے لیے چارہ تیار کرنے ہی لگی تھی کہ اسے اپنے پیچھے آہٹ سُنائی دی۔ مڑ کر دیکھا تو اسے ایک اجنبی سر پر ٹھاٹا اور موٹا سا کمبل اوڑھے نظر آیا۔ پگڑی کے ایک پلو سے اس آدمی نے اپنا چہرہ آنکھوں تک چھپا رکھا تھا۔ جب اس نے موٹی آواز میں

’’مائی جیواں السلام علیکم‘‘

کہا تو پگڑی کا کھردرا کپڑا اس کے منہ پر تین چار مرتبہ سکڑا اور پھیلا۔ مائی جیواں نے چارہ بکری کے آگے رکھ دیا اور اجنبی کو پہچاننے کی کوشش کیے بغیر کہا

’’وعلیکم السلام۔ آؤ بھائی بیٹھو۔ آگ تاپو۔ ‘‘

مائی جیواں کمر پر ہاتھ رکھ کر اس گڑھے کی طرف بڑھی جہاں ہر روز آگ سلگتی رہتی تھی۔ اجنبی اور وہ دونوں پاس پاس بیٹھ گئے۔ تھوڑی دیر ہاتھ تاپ کر اس آدمی نے مائی جیواں سے کہا۔

’’ماں۔ اللہ بخشے گاماں سائیں مجھے باپ کی طرح چاہتا تھا۔ اس کے مرنے کی خبر ملی تو مجھے بہت صدمہ ہوا۔ مجھے آسیب ہو گیا تھا، قبرستان کا جن ایسا چمٹا تھا کہ اللہ کی پناہ، گاما سائیں کے ایک ہی تعویذ سے یہ کالی بلا دُور ہو گئی۔ ‘‘

مائی جیواں خاموشی سے اجنبی کی باتیں سنتی رہی جو کہ اس کے شوہر کا بہت ہی معتقد نظر آتا تھا۔ اس نے اِدھر اُدھر کی اوربہت سی باتیں کرنے کے بعد بڑھیا سے کہا۔

’’میں بارہ کوس سے چل کر آیا ہوں، ایک خاص بات کہنے کے لیے۔ اجنبی نے رازداری کے انداز میں اپنے چاروں طرف دیکھا کہ اُس کی بات کوئی اور تو نہیں سُن رہا اور بھنچے ہوئے لہجہ میں کہنے لگا۔

’’میں سُندر ڈاکو کے گروہ کا آدمی ہُوں۔ پرسوں رات ہم لوگ اس گاؤں پر ڈاکہ مارنے والے ہیں۔ خون خرابہ ضرور ہو گا، اس لیے میں تم سے یہ کہنے آیا ہوں کہ اپنے لڑکوں کو دُور ہی رکھنا۔ میں نے سُنا ہے کہ گاما سائیں مرحوم نے اپنے پیچھے دو لڑکے چھوڑے ہیں۔ جو ان آدمیوں کا لہو ہے بابا، ایسا نہ ہو کہ جوش مار اٹھے اور لینے کے دینے پڑ جائیں۔ تم ان کو پرسوں گاؤں سے کہیں باہر بھیج دو تو ٹھیک رہے گا۔ بس مجھے یہی کہنا تھا۔ میں نے اپنا حق ادا کردیا ہے۔ السلام علیکم۔ ‘‘

اجنبی اپنے ہاتھوں کو آگ کے الاؤ پر زور زور سے مل کر اُٹھا اور جس راستے سے آیا تھا اسی راستے سے باہر چلا گیا۔ سُندر جاٹ بہت بڑا ڈاکو تھا۔ اس کی دہشت اتنی تھی کہ مائیں اپنے بچوں کو اُسی کا نام لے کر ڈرایا کرتی تھیں۔ بے شمار گیت اسکی بہادری اور بیباکی کے گاؤں کی جوان لڑکیوں کو یاد تھے۔ اس کا نام سُن کر بہت سی کنواریوں کے دل دھڑکنے لگتے تھے۔ سُندر جاٹ کو بہت کم لوگوں نے دیکھا تھا مگر جب چوپال میں لوگ جمع ہوتے تھے تو ہر شخص اس سے اپنی اچانک ملاقات کے من گھڑت قصے سُنانے میں ایک خاص لذت محسوس کرتا تھا۔ اس کے قدوقامت اور ڈیل ڈول کے بارے میں مختلف بیان تھے۔ بعض کہتے تھے کہ وہ بہت قد آور جوان ہے، بڑی بڑی مونچھوں والا۔ ان مونچھوں کے بالوں کے متعلق یہ مشہور تھا کہ وہ دو بڑے بڑے لیموں ان کی مدد سے اُٹھا سکتا ہے۔ بعض لوگوں کا یہ بیان تھا کہ اس کا قد معمولی ہے مگر بدن اس قدر گٹھا ہوا ہے کہ گینڈے کا بھی نہ ہو گا۔ بہرحال سب متفقہ طور پر اسکی طاقت اور بیباکی کے مُعترف تھے۔ جب مائی جیواں نے یہ سنا کہ سُندر جاٹ انکے گاؤں پر ڈاکہ ڈالنے کے لیے آرہا ہے تو اسکے آئے اوسان خطا ہو گئے اور وہ اس اجنبی کے سلام کا جواب تک نہ دے سکی اور نہ اس کا شکریہ ادا کرسکی۔ مائی جیواں کو اچھی طرح معلوم تھا کہ سُندر جاٹ کا ڈاکہ کیا معنی رکھتا ہے۔ پچھلی دفعہ جب اس نے ساتھ والے گاؤں پر حملہ کیا تھا تو سکھی مہاجن کی ساری جمع پونجی غائب ہو گئی تھی اور گاؤں کی سب سے سُندر اور چنچل چھوکری بھی ایسی گُم ہوئی تھی کہ اب تک اس کا پتہ نہیں ملتا تھا۔ یہ بلا اب ان کے گاؤں پر نازل ہونے والی تھی اور اس کا علم سوائے مائی جیواں کے گاؤں میں کسی اور کو نہ تھا۔ مائی جیواں نے سوچا کہ وہ اس آنے والے بھونچال کی خبر کس کس کو دے۔ چوہدری کے گھر خبر کردے۔ لیکن نہیں وہ تو بڑے کمینے لوگ تھے۔ پچھلے دنوں اس نے تھوڑا سا ساگ ان سے مانگا تھا تو انھوں نے انکار کردیا تھا۔ گھسیٹا رام حلوائی کو متنبہ کردے۔ نہیں، وہ بھی ٹھیک آدمی نہیں تھا۔ وہ دیر تک ان ہی خیالات میں غرق رہی۔ گاؤں کے سارے آدمی وہ ایک ایک کرکے اپنے دماغ میں لائی اور ان میں سے کسی ایک کو بھی اس نے مہربانی کے قابل نہ سمجھا۔ اس کے علاوہ اس نے سوچا اگر اس نے کسی کو ہمدردی کے طور پر اس راز سے آگاہ کردیا تو وہ کسی اور پر مہربانی کرے گا اور یوں سارے گاؤں والوں کو پتہ چل جائے گا جس کا نتیجہ اچھا نہیں ہو گا۔ آخر میں وہ یہ فیصلہ کرکے اٹھی کہ اپنی ساری جمع پونجی نکال کر وہ سبز رنگ کی غلاف چڑھی قبر کے سرہانے گاڑ دے گی اور رحمان کو پاس والے گاؤں میں بھیج دے گی۔ جب وہ سامنے والی کوٹھڑی کی طرف بڑھی تو دہلیز میں اسے عبدالغفار یعنی کبوتروں والاسائیں کھڑا نظر آیا۔ ماں کو دیکھ کر وہ ہنسا۔ اس کی یہ ہنسی آج خلافِ معمول معنی خیز تھی۔ مائی جیواں کو اس کی آنکھوں میں سنجیدگی اور متانت کی جھلک بھی نظر آئی جو کہ ہوشمندی کی نشانی ہے۔ جب وہ کوٹھڑی کے اندر جانے لگی تو عبدالغفار نے پوچھا۔

’’ماں، یہ صبح سویرے کون آدمی آیا تھا؟‘‘

عبدالغفار اس قسم کے سوال عام طور پر پوچھا کرتا تھا، اس لیے اس کی ماں جواب دیئے بغیر اندر چلی گئی اور اپنے چھوٹے لڑکے کو جگانے لگی۔

’’اے رحمان، اے رحمان اُٹھ اُٹھ۔ ‘‘

بازو جھنجھوڑ کر مائی جیواں نے اپنے چھوٹے لڑکے رحمان کو جگایا اور وہ جب آنکھیں مل کر اٹھ بیٹھا اور اچھی طرح ہوش آگیا تو اس کی ماں نے اس کو ساری بات سنا دی۔ رحمان کے تو اوسان خطا ہو گئے۔ وہ بہت ڈرپوک تھا گو اس کی عمر اس وقت بائیس برس کی تھی اور کافی طاقتور جوان تھا مگر اُس میں ہمت اور شجاعت نام تک کو نہ تھی۔ سُندر جاٹ!۔ اتنا بڑا ڈاکو، جس کے متعلق مشہور تھا کہ وہ تھوک پھینکتا تھا تو پورے بیس گز کے فاصلے پر جا کر گرتا تھا، پرسوں ڈاکہ ڈالنے اور لوٹ مار کرنے کے لیے آرہا تھا۔ وہ فوراً اپنی ماں کے مشورے پر راضی ہو گیا بلکہ یوں کہیے کہ وہ اسی وقت گاؤں چھوڑنے کی تیاریاں کرنے لگا۔ رحمان کو نیتی چمارن یعنی عنایت سے محبت تھی جو کہ گاؤں کی ایک بیباک شوخ اور چنچل لڑکی تھی۔ گاؤں کے سب جوان لڑکے شباب کی یہ پوٹلی حاصل کرنے کی کوشش میں لگے رہتے تھے مگر وہ کسی کو خاطر میں نہیں لاتی تھی۔ بڑے بڑے ہوشیار لڑکوں کو وہ باتوں باتوں میں اڑا دیتی تھی۔ چوہدری دین محمد کے لڑکے فضل دین کو کلائی پکڑنے میں کمال حاصل تھا۔ اس فن کے بڑے بڑے ماہر دُور دُور سے اس کو نیچا دکھانے کے لیے آتے تھے مگر اس کی کلائی کسی سے بھی نہ مڑی تھی۔ وہ گاؤں میں اکڑ اکڑ کر چلتا تھا مگر اس کی یہ ساری اکڑفوں نیتی نے ایک ہی دن میں غائب کردی جب اس نے دھان کے کھیت میں اس سے کہا۔

’’فجے، گنڈا سنگھ کی کلائی مروڑ کر تُو اپنے من میں یہ مت سمجھ کہ بس اب تیرے مقابلہ میں کوئی آدمی نہیں رہا۔ آمیرے سامنے بیٹھ، میری کلائی پکڑ، ان دو انگلیوں کی ایک ہی ٹھمکی سے تیرے دونوں ہاتھ نہ چُھڑا دُوں تو نیتی نام نہیں۔ ‘‘

فضل دین اس کو محبت کی نگاہوں سے دیکھتا تھا اور اسے یقین تھا کہ اسکی طاقت اور شہزوری کے رُعب اور دبدبے میں آکر وہ خودبخود ایک روز رام ہو جائیگی۔ لیکن جب اس نے کئی آدمیوں کے سامنے اس کو مقابلے کی دعوت دی تو وہ پسینہ پسینہ ہو گیا۔ اگر وہ انکارکرتا ہے تو نیتی اور بھی سر پر چڑھ جاتی ہے اور اگر وہ اسکی دعوت قبول کرتا ہے تو لوگ یہی کہیں گے۔ عورت ذات سے مقابلہ کرتے شرم تو نہیں آئی مردود کو۔ اس کی سمجھ میں نہیں آتا تھا کہ کیا کرے۔ چنانچہ اس نے نیتی کی دعوت قبول کرلی تھی۔ اور جیسا کہ لوگوں کا بیان ہے اس نے جب نیتی کی گدرائی ہوئی کلائی اپنے ہاتھوں میں لی تو وہ سارے کا سارا کانپ رہا تھا۔ نیتی کی موٹی موٹی آنکھیں اس کی آنکھوں میں دھنس گئیں، ایک نعرہ بلند ہوا اور نیتی کی کلائی فضل کی گرفت سے آزاد ہو گئی۔ اس دن سے لیکر اب تک فضل نے پھر کبھی کسی کی کلائی نہیں پکڑی۔ ہاں، تو اس نیتی سے رحمان کو محبت تھی، جیسا کہ وہ آپ ڈرپوک تھا اسی طرح اس کا پریم بھی ڈرپوک تھا۔ دُور سے دیکھ کروہ اپنے دل کی ہوّس پوری کرتا تھا اور جب کبھی اس کے پاس ہوتی تو اس کو اتنی جرأت نہیں ہوتی تھی کہ حرفِ مدعا زبان پر لائے۔ مگر نیتی سب کچھ جانتی تھی۔ وہ کیا کچھ نہیں جانتی تھی۔ اسے اچھی طرح معلوم تھا کہ یہ چھوکرا جو درختوں کے تنوں کے ساتھ پیٹھ ٹیکے کھڑا رہتا ہے اس کے عشق میں گرفتار ہے، اس کے عشق میں کون گرفتار نہیں تھا؟ سب اس سے محبت کرتے تھے۔ اس قسم کی محبت جو کہ بیریوں کے بیرپکنے پر گاؤں کے جوان لڑکے اپنی رگوں کے تناؤ کے اندر محسوس کیا کرتے ہیں مگر وہ ابھی تک کسی کی محبت میں گرفتار نہیں ہوئی تھی۔ محبت کرنے کی خواہش البتہ اسکے دل میں اس قدر موجود تھی کہ بالکل اس شرابی کے مانند معلوم ہوتی تھی جس کے متعلق ڈر رہا کرتا ہے کہ اب گِرا اور اب گِرا۔ وہ بے خبری کے عالم میں ایک بہت اونچی چٹان کی چوٹی پر پہنچ چکی تھی اور اب تمام گاؤں والے اس کی افتاد کے منتظر تھے جو کہ یقینی تھی۔ رحمان کو بھی اس اُفتاد کا یقین تھا مگر اس کا ڈرپوک دل ہمیشہ اسے ڈھارس دیا کرتا تھا کہ نہیں، نیتی آخر تیری ہی باندی بنے گی اور وہ یوں خوش ہوجایا کرتا تھا۔ جب رحمان دس کوس طے کرکے دوسرے گاؤں میں پہنچنے کے لیے تیار ہو کر تکیئے سے باہر نکلا تو اُسے راستے میں نیتی کا خیال آیا مگر اس وقت اُس نے یہ نہ سوچا کہ سُندر جاٹ دھاوا بولنے والا ہے۔ وہ دراصل نیتی کے تصور میں اس قدر مگن تھا اور اکیلے میں اس کے ساتھ من ہی من میں اتنے زوروں سے پیار محبت کررہا تھا کہ اسے کسی اور بات کا خیال ہی نہ آیا۔ البتہ جب وہ گاؤں سے پانچ کوس آگے نکل گیا تو ایکا ایکی اس نے سوچا کہ نیتی کو تو بتا دینا چاہیے تھا کہ سندر جاٹ آرہا ہے۔ لیکن اب واپس کون جاتا۔ عبدالغفار یعنی کبوتروں والا سائیں تکیے سے باہر نکلا۔ اس کے منہ سے لعاب نکل رہا تھا جو کہ میلے کُرتے پر گر کر دیر تک گلیسرین کی طرح چمکتا رہتا تھا۔ تکیے سے نکل کر سیدھا کھیتوں کا رخ کیا کرتا تھا اور سارا دن وہیں گزار دیتا تھا۔ شام کو جب ڈھورڈنگر واپس گاؤں کو آتے تو ان کے چلنے سے جو دھول اُڑتی ہے اس کے پیچھے کبھی کبھی غفار کی شکل نظر آجاتی تھی۔ گاؤں اس کو پسند نہیں تھا۔ اجاڑ اور سنسان جگہوں سے اسے غیر محسوس طور پر محبت تھی یہاں بھی لوگ اس کا پیچھا نہ چھوڑتے تھے اور اس سے طرح طرح کے سوال پوچھتے تھے۔ جب برسات میں دیر ہو جاتی تو قریب قریب سب کسان اس سے درخواست کرتے تھے کہ وہ پانی بھرے بادلوں کیلیے دعا مانگے اور گاؤں کے عشق پیشہ جوان اس سے اپنے دل کا حال بیان کرتے اور پوچھتے کہ وہ کب اپنے مقصد میں کامیاب ہوں گے، نوجوان چھوکریاں بھی چپکے چپکے دھڑکتے ہوئے دلوں سے اس کے سامنے اپنی محبت کا اعتراف کرتی تھیں اور یہ جاننا چاہتی تھیں کہ ان کے

’’ماہیا‘‘

کا دل کیسا ہے۔ عبدالغفار ان سوالیوں کو اوٹ پٹانگ جواب دیا کرتا تھا اس لیے کہ اسے غیب کی باتیں کہاں معلوم تھیں، لیکن لوگ جو اس کے پاس سوال لیکر آتے تھے اس کی بے ربط باتوں میں اپنا مطلب ڈھونڈ لیا کرتے تھے۔ عبدالغفار مختلف کھیتوں میں سے ہوتا ہوا اس کنویں کے پاس پہنچ گیا جو کہ ایک زمانے سے بیکار پڑا تھا۔ اس کنویں کی حالت بہت ابتر تھی۔ اس بوڑھے برگد کے پتے جو کہ سالہا سال سے اس کے پہلو میں کھڑا تھا اس قدر اس میں جمع ہو گئے تھے کہ اب پانی نظر ہی نہ آتا تھا اور ایسا معلوم ہوتا کہ بہت سی مکڑیوں نے مل کر پانی کی سطح پر موٹا سا جالا بُن دیا ہے۔ اس کنویں کی ٹوٹی ہوئی منڈیر پر غبدالغفار بیٹھ گیا اور دوسروں کی اُداس فضا میں اس نے اپنے وجود سے اور بھی اداسی پیدا کردی۔ دفعتاً اُڑتی ہوئی چیلوں کی اُداس چیخوں کو عقب میں چھوڑتی ہوئی ایک بلند آواز اُٹھی اور بوڑھے برگد کی شاخوں میں ایک کپکپاہٹ سی دوڑ گئی۔ نیتی گا رہی تھی ؂ ماہی مرے نے باگ لوایا چمپا، میوا خوب کِھلایا اَسی تے لوایاں کھٹیاں وے راتیں سون نہ دیندیاں اکھیاں وے اس گیت کا مطلب یہ تھا کہ میرے ماہیا یعنی میرے چاہنے والے نے ایک باغ لگایا ہے، اس میں ہر طرح کے پھول اُگائے ہیں، چمپا، میوا وغیرہ کھلائے ہیں۔ اور ہم نے تو صرف نارنگیاں لگائی ہیں۔ رات کو آنکھیں سونے نہیں دیتیں۔ کتنی انکساری برتی گئی ہے۔ معشوق عاشق کے لگائے ہوئے باغ کی تعریف کرتا ہے، لیکن وہ اپنی جوانی کے باغ کی طرف نہایت انکسارانہ طور پر اشارہ کرتا ہے جس میں حقیر نارنگیاں لگی ہیں اور پھر شب جوابی کا گلہ کِس خُوبی سے کیا گیا ہے۔ گو عبدالغفار میں نازک جذبات بالکل نہیں تھے پھر بھی نیتی کی جوان آواز نے اس کو چونکا دیا اور وہ اِدھر اُدھر دیکھنے لگا۔ اس نے پہچان لیا تھا کہ یہ آواز نیتی کی ہے۔ گاتی گاتی نیتی کنویں کی طرف آنکلی۔ غفار کو دیکھ کروہ دوڑی ہُوئی اس کے پاس آئی اور کہنے لگی۔

’’اوہ، غفار سائیں۔ تم۔ اوہ، مجھے تم سے کتنی باتیں پوچھنا ہیں۔ اور اس وقت یہاں تمہارے اور میرے سوا اور کوئی بھی نہیں۔ دیکھو میں تمہارا منہ میٹھا کراؤں گی اگر تم نے میرے دل کی بات بُوجھ لی اور۔ لیکن تم تو سب کچھ جانتے ہو۔ اللہ والوں سے کسی کے دل کا حال چُھپا تھوڑی رہتا ہے۔ ‘‘

وہ اُس کے پاس زمین پر بیٹھ گئی اور اس کے میلے کرتے پر ہاتھ پھیرنے لگی۔ خلافِ معمول کبوتروں والا سائیں مسکرایا مگر نیتی اس کی طرف دیکھ نہیں رہی تھی، اس کی نگاہیں گاڑہے کے تانے بانے پربغیر کسی مطلب کے تیر رہی تھیں۔ کُھردرے کپڑے پر ہاتھ پھیرتے پھیرتے اس نے گردن اُٹھائی اور آہوں میں کہنا شروع کیا۔

’’غفار سائیں تم اللہ میاں سے محبت کرتے ہو اور میں۔ میں ایک آدمی سے محبت کرتی ہُوں۔ تم میرے دل کا حال کیا سمجھو گے!۔ اللہ میاں کی محبت اور اس کے بندے کی محبت ایک جیسی تو ہو نہیں سکتی۔ کیوں غفار سائیں۔ ارے تم بولتے کیوں نہیں۔ کچھ بولو۔ کچھ کہو۔ اچھا تو میں ہی بولے جاؤں گی۔ تم نہیں جانتے کہ آج میں کتنی دیر بول سکتی ہوں۔ تم سُنتے سُنتے تھک جاؤ گے پر میں نہیں تھکوں گی۔ ‘‘

یہ کہتے کہتے وہ خاموش ہو گئی اور اس کی سنجیدگی زیادہ بڑھ گئی۔ اپنے من میں غوطہ لگانے کے بعد جب وہ ابھری تو اس نے ایکا ایکی عبدالغفار سے پوچھا۔

’’سائیں۔ میں کب تھکوں گی؟‘‘

عبدالغفار کے منہ سے لعاب نکلنا بند ہو گیا۔ اس نے کنویں کے اندر جُھک کر دیکھتے ہُوئے جواب دیا۔

’’بہت جلد۔ ‘‘

یہ کہہ کر وہ اُٹھ کھڑا ہُوا۔ اس پر نیتی نے اس کے کرتے کا دامن پکڑ لیا اور گھبرا کر پوچھا۔

’’کب؟۔ کب؟۔ سائیں کب؟‘‘

عبدالغفار نے اس کاکوئی جواب نہ دیا اور ببول کے جُھنڈ کی طرف بڑھنا شروع کردیا۔ نیتی کچھ دیر کنویں کے پاس سوچتی رہی پھر تیز قدموں سے جدھر سائیں گیا تھا اُدھر چل دی۔ وہ رات جس میں سُندر جاٹ گاؤں پر ڈاکہ ڈالنے کے لیے آرہا تھا۔ مائی جیواں نے آنکھوں میں کاٹی۔ ساری رات وہ اپنی کھاٹ پر لحاف اوڑھے جاگتی رہی۔ وہ بالکل اکیلی تھی۔ رحمان کو اس نے دوسرے گاؤں بھیج دیا اور عبدالغفار نہ جانے کہاں سو گیا تھا۔ ابو پہلوان کبھی کبھی تکیے میں آگ تاپتا تاپتا وہیں الاؤ کے پاس سو جایا کرتا تھا مگر وہ صبح ہی سے دکھائی نہیں دیا تھا، چنانچہ کتوبروں کو دانہ مائی جیواں ہی نے کِھلایا تھا۔ تکیہ گاؤں کے اس سِرے پرواقع تھا جہاں سے لوگ گاؤں کے اندر داخل ہوتے تھے۔ مائی جیواں ساری رات جاگتی رہی مگر اس کو ہلکی سی آہٹ بھی سُنائی نہ دی۔ جب رات گزر گئی اور گاؤں کے مرغوں نے اذانیں دینا شروع کردیں تو وہ سُندر جاٹ کی بابت سوچتی سوچتی سو گئی۔ چونکہ رات کو وہ بالکل نہ سوئی تھی اس لیے صبح بہت دیر کے بعد جاگی۔ کوٹھڑی سے نکل کر جب وہ باہر آئی تو اس نے دیکھا کہ ابو پہلوان کبوتروں کو دانہ دے رہا ہے اور دھوپ سارے تکیے میں پھیلی ہوئی ہے۔ اس نے باہر نکلتے ہی اس سے کہا۔

’’ساری رات مجھے نیند نہیں آئی۔ یہ موا بڑھاپا بڑا تنگ کررہا ہے۔ صبح سوئی ہوں اور اب اُٹھی ہوں۔ ہاں تم سناؤ کل کہاں رہے ہو؟‘‘

ابو نے جواب دیا۔

’’گاؤں میں۔ ‘‘

اس پر مائی جیواں نے کہا۔

’’کوئی تازہ خبر سناؤ۔ ‘‘

ابو نے جھولی کے سب دانے زمین پر گرا کر اور جھپٹ کر ایک کبوتر کو بڑی صفائی سے اپنے ہاتھ میں دبوچتے ہوئے کہا۔

’’آج صبح چوپال پر نتھا سنگھ کہہ رہا تھا کہ گام چمار کی وہ لونڈیا۔ کیا نام ہے اس کا؟۔ ہاں وہ نیتی کہیں بھاگ گئی ہے؟۔ میں تو کہتا ہوں اچھا ہوا۔ حرامزادی نے سارا گاؤں سر پر اٹھا رکھا تھا۔ ‘‘

’’کسی کے ساتھ بھاگ گئی ہے یا کوئی اُٹھا کر لے گیا ہے؟‘‘

’’جانے میری بلا۔ لیکن میرے خیال میں تو وہ خود ہی کسی کے ساتھ بھاگ گئی ہے۔ ‘‘

مائی جیواں کو اس گفتگو سے اطمینان نہ ہوا۔ سُندر جاٹ نے ڈاکہ نہیں ڈالا تھا پر ایک چھوکری تو غائب ہو گئی تھی۔ اب وہ چاہتی تھی کہ کسی نہ کسی طرح نیتی کا غائب ہو جانا سُندر جاٹ سے متعلق ہو جائے۔ چنانچہ وہ ان تمام لوگوں سے نیتی کے بارے میں پوچھتی رہی جو کہ تکیے میں آتے جاتے رہے لیکن جو کچھ ابو نے بتایا تھا اس سے زیادہ اسے کوئی بھی نہ بتا سکا۔ شام کورحمان لوٹ آیا۔ اس نے آتے ہی ماں سے سُندر جاٹ کے ڈاکہ کے متعلق پوچھا۔ اس پر مائی جیواں نے کہا۔

’’سندر جاٹ تو نہیں آیا بیٹا پر نیتی کہیں غائب ہو گئی ہے۔ ایسی کہ کچھ پتہ ہی نہیں چلتا۔ ‘‘

رحمان کو ایسا محسوس ہوا کہ اس کی ٹانگوں میں دس کوس اور چلنے کی تھکاوٹ پیدا ہو گئی ہے۔ وہ اپنی ماں کے پاس بیٹھ گیا، اس کا چہرہ خوفناک طور پر زرد تھا۔ ایک دم یہ تبدیلی دیکھ کر مائی جیواں نے تشویشناک لہجہ میں اس سے پوچھا۔

’’کیا ہوا بیٹا۔ ‘‘

رحمان نے اپنے خشک ہونٹوں پر زبان پھیری اور کہا۔

’’کچھ نہیں ماں۔ تھک گیا ہوں۔ ‘‘

’’اور نیتی کل مجھ سے پوچھتی تھی، میں کب تھکوں گی؟‘‘

رحمان نے پلٹ کر دیکھا تو اس کا بھائی عبدالغفار آستین سے اپنے منہ کا لعاب پونچھ رہا تھا۔ رحمان نے اس کی طرف گھور کردیکھا اور پوچھا

’’کیا کہا تھا اس نے تجھ سے؟‘‘

عبدالغفار الاؤ کے پاس بیٹھ گیا۔

’’کہتی تھی کہ میں تھکتی ہی نہیں۔ پر اب وہ تھک جائے گی۔ ‘‘

رحمان نے تیزی سے پوچھا۔

’’کیسے؟‘‘

غفار سائیں کے چہرے پر ایک بے معنی سی مسکراہٹ پیدا ہُوئی۔

’’مجھے کیا معلوم؟۔ سُندر جاٹ جانے اور وہ جانے۔ ‘‘

یہ سُن کر رحمان کے چہرے پر اور زیادہ زردی چھا گئی اور مائی جیواں کی جُھریاں زیادہ گہرائی اختیار کرگئیں۔

کالی شلوار

دہلی آنے سے پہلے وہ ابنالہ چھاؤنی میں تھی جہاں کئی گورے اس کے گاہک تھے۔ ان گوروں سے ملنے جلنے کے باعث وہ انگریزی کے دس پندرہ جملے سیکھ گئی تھی، ان کو وہ عام گفتگو میں استعمال نہیں کرتی تھی لیکن جب وہ دہلی میں آئی اوراس کا کاروبار نہ چلا تو ایک روز اس نے اپنی پڑوسن طمنچہ جان سے کہا۔